أغنية مصر المحروسة

مصر المحروسة
كلمات و الحان : مصطفى طراد

غناء بالعود



مصر المحروسة
غنـِّيوة حب تتغنـَّى ف كل الأزمان
ف نهارها بوسة
من شمس بتضحك بشقاوة زرع الغيطان
لياليها بتطرح حنـِّيَّة
يا جمال قمرتها على الميـَّة
و النيل بيسامر عـُشـَّاقه موال سهران
مصر المحروسة
و انا قلبي بيعشق غناويها
مافرقش خـُطايا بخطاويها
و غيور لو حد طمع فيها
الروح ترخص لجل احميها من مكر جبان
مصر المحروسة
شرَّفها الله و نظر ليها
و النظرة ليها معانيها
الليل بيغير من لياليها
و نهارها حنون على أهاليها
و المصريين غير كل الناس .. أبطال شجعان
دي مصر المحروسة