فن الدويتو

موضوع: فن الدويتو الأربعاء نوفمبر 09, 2016 6:12 pm

دويتو فيه حاجة شغلاك
محمد فوزي و ليلى مراد
كلمات : عبد الفتاح مصطفى
لحن : محمد فوزي

ليلى: فيه حاجة شغلاك
فوزي : ابدا ابدا
ليلى : انا مش فهماك
فوزي : برضك أحسن
ليلى : حلفتك بعنيك و انا ايدي ف ايديك لا تخبي انت علىَّ و لا اخبي أنا عليك
فوزي : بعنية رح اكدب علشان فيه أغلى
ليلى : بشبابك طيب
فوزي : فيه اغلى و أحلى
ليلى : طيب قلبك
فوزي : مش هو الأغلى .. الأغلى ساكن فيه
ليلى : و يا ترى مين ساكن فيه
فوزي : اللي عنية ف عنيه
ليلى : كده كده على طول
فوزي : على سهوة .. مقدرتش اسمي عليه
ليلى : ههيه .. بأه كده
فوزي : و اكتر من كده
ليلى : ياسلام على كده
فوزيى : آه يا سلام يا سلام

فوزي : الحب ده طيار .. هايم ليل و نهار ..
لا بينزل في مطار و لا نعرف له أرار
ليلى : هايم كده على طول .. طبعا مش معقول ..
لازم يوم هيقول .. قلبي تعب و احتار
فوزي : آه يا قلبي
ليلى : ايه ماله
قوزي : مَتِعِب و احتار باله
ليلى : و انا قلبي كان زهرة نايمه على غصونها
جت جمبها نسمة هايمة فتحت عيونها
فوزي : و شافت ايه
ليلى : مقلش عليه
فوزي : دا اللي في قلبك لو توصفيه .. هتلاقي قلبي عايش فيه
ليلى : ههيه بأه كده
فوزي : و اكثر من كده
ليلى – فوزي : يا سلام على كده .. يا سلام يا سلام
فوزي : الحب ده طيار .. حَب ياخدها هزار ..
جت رجله المكار .. ساق ويَّا التيار
ليلى : و جت رجله امتى
فوزي : أنا ؟
ليلى : الحب مش انت
فوزي : دغري ف لمحة عين .. و آهو طيَّر قلبين
ليلى : هيوديهم فين
فوزي : يا الجنة يا النار
ليلى : في القرب منَّك ميهمنيش .. مطرح ما إنت تعيش رح اعيش
النار هتصبح جنة معاك .. و الجنة نار و انا مش وياك
فوزي : ههيه .. بأه كده
ليلى : و اكتر من كده
ليلى و فوزي : ياسلام على كده يا سلام يا سلام

ياللي شغلتي القلب تعالي

محمد فوزي - ليلى مراد

فوزي : يا للي شغلتي القلب تعالي ردي علىَّ و رقي لحالي
قبل ما حبك كنت انا خالي و اللي جرالي ما كان على بالي
شوفي عنية و خللي عنية تحكيلك .. على اللي بيَّه .. و دقة قلبي ,, تشكيلك

لو خيَّروني ما بينك انتِ و بين عيوني ... أختارك انتِ
انسي اللي شفتيه و اللي كان و ابتسمي للحب السعيد
راح اللي راح و كان زمان و خلقني حبك .. من جديد
متفرحيش فيَّه عزالي .. يا أول حب خطر على بالي
قبل م احبك كنت انا خالي .. و اللي جرالي ما كان على بالي
ليلى : اسمع كلامك يبان لي م الكلام حبك
و اشوف أمورك الاقي الغدر في قلبك
احترت ويَّاك يا ريت القلب ما حبك
حفضل أخبي و اقول يا رب صبر
لكن ما بيني و بين قلبي .. انا أنا بحبك
فوزي : وقعتِ بلسانك

شحات الغرام
محمد فوزي - ليلى مراد

فوزي :شحات و مد ايديه و كس خاطره حرام
ليلى : حدفه الهوا هنا ليه
فوزي : طالب تحنوا عليه يا محسنين الغرام
ليلى : و نحن قوللي بإيه
فوزي : ارمو له نظرة و للا ابتسامة .. حسنة و تنفع يوم القيامة
ليلى : يعطيك لله يعطيك
فوزي : و النبي إحسان لله
ليلى : قلت على الله على الله
فوزي : و انا قلت كمان لله
ليلى : اسرح
فوزي : لله لله
ليلى : روَّح
فوزي : لله لله يا محسنين الغرام لله

فوزي : يا أرق خلق الله ضيف الجمال مكروم
ليلى : هو احنا ضيِّفناه
فوزي : متردنيش محروم
ليلى : ايه كل ده ايه كل ده باين طماع
فوزي : هو كده هو كده الشحاتين انواع .. كلمة رضا لله
ليلى : عايز الرضا صدقات
فوزي : ساعة صفا لله
ليلى : زودتها يا شحات ... اسرح
فوزي : لله لله
ليلى : روح
فوزي : لله لله
ليلى : يا شحاتين الغرام على الله
ليلى : يظهر صحيح اللي بتشكيه غلبان يا روميو الشحاتين
فوزي : غلبني ايه الا عنيكي
ليلى : انا قلبي رق و أثر فيه صوتك يا كبدي على المسكين
فوزي : لو تسعديه شيئ ف اديكي
ليلى : مابقتش اقول الله يحنن لـ الناس تسميني بخيلة
فوزي : و البخل ف الحب يجنن صدقة و ترضيني قليلة
ليلى : على ما قسُم و خلاص خدها
فوزي : ياخد عدوينك
ليلى : نادية و لسه بعنقودها
يا روح محبينك .. الله يزيد حسنك قيمة ,, زينة الجناين و البساتين
و لا يخليهم لك يا كريمة من ورد أبدا و لا ياسمين
و لا فل تعيش إلهام .. إديني اديني معاد اديني معاد لله
ليلى : فوت بكره خمسة تمام من قدم شيئ بيداه يلقاه و كله على الله
فوزي : يجعلها عمار بيوت الأحباب و انا باستمرار حوالين حوالين الباب

يا سلام على حبي و حبك
فريد الأطرش - شادية

شادية : يا سلام على حبي و حبك .. وعد و مكتوبلي أحبك
فريد : يا سلام على حبي و حبك .. دا ما كان على بالي أحبك
و لا انامش الليل من حبك .. يا سلام على حبي و حبك ..
شادية : يا حبيبي هواك جنني .. و الشوق ملاني جراح
و حياتك تبعد عني .. و تسيبني عشان ارتاح
فريد : و انا يعني ماسك فيكي .. ماهو قلبي المشغول بيكي
شادية : حبك حيَّرني
فريد : مانا زيِّك برضه
شادية : رب يصبرني
فريد : أيوة أنا ف عرضو
شادية : اعذرني لاني بحبك .. مبنمش الليل من حبك
يا سلام على حبي و حبك .. . وعد و مكتوبلي احبك
يا سلام على حبي و حبك
فريد : مش ممكن أعيش من بعدك .. ده خيالك جنبي ليلاتي
و بقول لو ربنا ياخدك ... كنت أعمل ايه يا حياتي
شادية : ان شالله انت يا حبيبي .. يا هنايا و كل نصيبي
هولَّع في روحي يا قلبي و عنيَّة
فريد : لأ اوعي يا روحي .. ده واجب غلىَّ
شادية : من ساعة قلبي ماحبك .. ما بنمش الليل من حبك
يا سلام على حبي و حبك
شادية : حبيتني صحيح ؟
فريد : أمَّال
شادية : أتاريني بقيت فرحانة
فريد : عقبال كل العزال يتهنوا زي هنانا
شادية : شوف وشي اصفر ازاي من حبك
فريد : شوفي جسمي احمر ازاي من حبك
شادية : هتعيش يا روحي معايا دا انت حياتي ف دنيتي
كفاية حب كفاية لحسن يضر صحتي
يا سلام على حبي و حبك .. . وعد و مكتوبلي احبك
يا سلام على حبي و حبك

زينة زينة
شادية - فريد الأطرش

حاجة غريبة
عبد الحليم حافظ - شادية

حليم : حاجه غريبه .. الدنيا لها طعم جديد .. حاجه غريبه ..أنا حاسس ان ده يوم عيد
شادية : وأنا حاسه الدنيا هربانه ...ويانا في ليل كله سعادة
ليها فرحه حلوة في عنيه...وحلاوتها سكرها زياده
انت عارف ليه؟
حليم : قولي انتي ليه...
شادية : علشان احنامع بعضـــــينا .. ولأول مره لوحدينا
ولاحدش بيبص علينا .. غير فرحة قلبنا وعنينا
حاجه غريبه

حليم : الليل ده كله كان امبارح...بيزيدني حرمان وأسَِّة
اتغير ليه...حتى سواده له ضي حـــنين في عنيه
شادية : والنجمه دي أنا عارفاها .. وتملي بســــهر وياها
حتى الليلة بتلمع أكتر وبتندهلي وأنا ســـــامعاها
أهيه...بتشــاور بتشــاور...أهيه...بتقـرب بتقرب
أنا دلوقتي ماشيه معاها...حاجه غريبه .. وانت كمان أنا شايفاك ماشي وياها
حليم : انتي عارفه ليه؟
شادية : قوللي انت ليــه...
علشان احنامع بعضـــــينا ...ولأول مره لوحدينا
ولاحدش بيبص علينا ...غير فرحة قلبنا وعنينا
حاجه غريبه...

شادية : السما بتغني انت ســـــــــــــــــــامعها؟
حليم : أيوة سامعها.. بتغني مع فرحه حبي
شادية : والموجه اللي هناك دي بترقـــــــص
حليم : أيوة شايفها
شادية : دي بترقص على دقة قلبي
انت شــــــايف... انت سامع...انت حاســـــس؟
حليم : احســـاس غريب...قبل النهارده ماجــــربتوش
شادية : وشعور غريب ...عمري ف حياتي ماعرفتوش
ايه اللي جرالنا احنا بنحلم ؟.. ولا بنحلم؟.. كلمني قـــــــــــــــول
حليم : لو كان ده حلم ياريته يطول ..علشان نفضل نحلم كده على طول
شادية : والدنيا تفضل هربانه .. ويانا في ليل كله سعادة
ليها فرحه حلوة فعنيه...وحلاوتها سكرها زيادة
انت عارف ليه؟
حليم : ايوة عارف ليه...
علشان احنامع بعضـــــينا ...ولأول مره لوحدينا
ولاحدش بيبص علينا ...غير فرحة قلبنا وعنينا
حاجه غريبه...

تعالي اقولك

عبد الحليم حافظ - شادية

حليم : تعالي اقولك
شادية : حتقول ايه
حليم : لازم اقولك
شادية : و ساكت ليه
حليم : حسأل سؤال و تردي عليه

حليم : أنا و انتِ قاعدين ف جنينة .. و الورد بيسمي علينا
و النسمة بترقص حوالينا .. يبقى اللي زيي و زيك ايه
شادية : أنا معرفشي
حليم : لكن أنا عارف
شادية و مدام عرفت بتسأل ليه
تعالى أقولك
حليم : حتقولي ايه
شادية : لا زم أقولك
حليم : و ساكته ليه
شادية : حسأل سؤال و ترد عليه و ترد عليه
ايديا لما تكون ف ايديك .. و عنيا لما تناجي عنيك
و قلبي لو يسألني عليك ... يبقى اللي بيني و بينك ايه
حليم : أنا معرفشي
شادية : لكن أنا عارفة
حليم : و مدام عرفتي بتسألي ليه .. تعالي اقولك
شادية : حتقول ايه
حليم : لازم اقولك
شادية : و ساكت ليه
حليم : حسأل سؤال و تردي عليه و تردي عليه
الدنيا ليه مش سايعاني و ف عيني حلوة و عجباني
و لما نتفرَّق تاني عن بعضنا بنحس بإيه
شادية : أنا معرفشي
حليم : لكن أنا عارف
شادية و مدام عرفت بتسأل ليه
تعالى أقولك
حليم : حتقولي ايه
شادية : لا زم أقولك
حليم : و ساكته ليه
شادية : حسأل سؤال و ترد عليه و ترد عليه
ليه لما اشوفك ويَّايا انول من الدنيا منايا
و لما متكونش معايا و افضل افكر اعمل ايه
حليم : ايوة انا عارف
شادية : برضه انا عارفة .. ده يبقى اسمه الحه و البه
حليم : تعالي اقولك
شادية : حتقول ايه
خلاص مقلنا لبعض عليه .. لبعض عليه

احنا كنا فين
شادية و عبد الحليم حافظ

شادية : احنا كنا فين
حليم : عمرك أطول من عمري .. احنا كنا فين
شادية : حلم و فات ع العين يجري
حليم : دا انتِ كنتِ معايا هناك
شادية : مانت كنت عازمني معاك
حليم : ياللا نرجع تاني
شادية : يس فين فستاني
حليم : كان فستانك أخضر
شادية : و انت اللي جايبهولي .. ويَّا العقد اللولي
حليم : كان ألماظ مش لولي
شادية : كل البناوير كانوا حاسدين بنواري ..
و انا كنت حطير م الفرحة و مش قادرة أداري
بس انا زعلانة
حليم : من ايه
شادية : منك
حليم : أنا ؟
شادية : ايوة انت
حليم : ليه ؟
شادية : البنت اللي كانت واقفة .. ف اللوج نمرة اتنين
حدفتلك وردة و انت .. ضحكتلها مرتين
حليم : ان شالله يا رب يجرالي ان كنت
شادية : ان شالله هي .. يا رب يخليك ليَّه
حليم : و اللحن اللي انا غنيته .. إحكيلي رأيك فيه
شادية : كان أجمل لحن سمعته
حليم : و الناس الناس قالوا ايه
شادية : انت غنيته ف ساعة .. و الناس صقفوا ساعتين
و محطات الاذاعة هتذيعه ف اليوم نوبتين
حليم : فكرتيني فكرتيني يا سلام لو كانش ده حلم
شادية : و مسيره حيبقى عِلم
حليم : امتى امتى ؟
شادية : ده سؤال و جوابه عليك انت
حليم : خايف من ناس يحاربوني و م الحسَّاد لـ يشقوني
شادية : مش انت أول مين حاربوه .. و لا انت آخر من حسدوه
حليم : خايف ماوصلش
شادية : لازم توصل .. دي حياتك غنوة لازم تكمَل
حليم : حكمِّلها و اغنيها و آخد منِّك معانيها
شادية : من عنيَّة
حليم : من عنيكي .. بس وصِّهم علىًّ دول حبايبي و انتِ قلبي
شادية : و انت ف الدنيا اللي ليَّه .. قلبي قلبك .. و اللي حبَّك . قلبه مش عايز وصيَّة
حليم : أحبك
شادية : لأ مش دلوقت الناس سمعانا
حليم : طب قوليها
شادية ( تهمس ) أحبك
حليم : أنا عايز الدنيا تعرف
شادية : أنا خايفة
حليم : يا خواتي بحبك
شادية : يا خواتي منا عارفة

معا : شادية : احنا كنا فين
حليم : عمرك أطول من عمري .. احنا كنا فين
شادية : حلم و فات ع العين يجري
احنا كنا فين