mawaheb مواهب أدبية mawaheb
مرحبا بك / ضيفا / عضوا / فى منتديات مواهب أدبية

mawaheb مواهب أدبية mawaheb

موقع مصطفى طراد الأدبى يرحِّبُ بكم
 
الرئيسيةالرئيسية  البوابةالبوابة  التسجيلالتسجيل  دخول  تصفـَّحتصفـَّح  

شاطر
 

 احتفال أطفال الرعاية المتكاملة 2007

اذهب الى الأسفل 
كاتب الموضوعرسالة
مصطفى طراد
المراقب العام
المراقب العام
مصطفى طراد

ذكر عدد الرسائل : 2414
العمر : 64
عربى : 0
تاريخ التسجيل : 03/08/2007

احتفال أطفال الرعاية المتكاملة 2007 Empty
مُساهمةموضوع: احتفال أطفال الرعاية المتكاملة 2007   احتفال أطفال الرعاية المتكاملة 2007 Emptyالأحد نوفمبر 27, 2016 1:39 am





و في هذه الحفلة
كانت أغنيات :
* اقرا
* مصنوع في بلدي
* فوق يا عربي
* التعلب فات
*

من تأليف و ألحان : مصطفى طراد
قدمت الحفلة أستاذة / شيماء - مذيعة إذاعة جنوب سيناء



كلمات الأغاني
أغنية إقـــــــــــــــرا
إقـــــرا إقــــــــــرا إقــــــــــرا إقــــــرا .. إقـــــــرا كـــده على قــــد ما تقـــــــــدر
و اعـــــــــــــــــــــــــرف .. إنَّــــــــــك .. كل ما تقـــــــــــرا ها تعرف أكتــــــــر

المــعـــرفــــة شـــــــــمـعـــة بتـنــــــور .. لـــيـــــل الــجـــــهـــــــل طــــويــــــل
كــــــل مـــا تــــقــرا كــتــاب تتــــصَّـور .. إن الــــــعـــــلـــــــم جـــمــــيــــــــــل
شــــمــــس الـــعـــلــم ها تسطع دايمـــــا .. لـــــمــــــــــا الــــدنـــيــــا تــمــيــــل
بــــالــــعـــلـــــم تـــزيّــــِن أفـــكـــارك .. أصـــــــــل الــــعــــمـــــر قــــلـــيــــل

أهـــــل الـــخـــبـــرة قالوها ياصاحــــبي .. حـــــكــــمـــــة لـــكــــل صـــديـــــــق
اعـــــرف شـــيـــــئ عــــن كـــل شــيــئ .. واعــــــرف كــــــل شـــيــــئ عن شيــئ
المــــــعــــرفــــــة مـــفـــتـــــاح الــخير .. بـــيــــهــــا عرفــــــنانــعــوم ونطيــــر
خــــلـــلــــي كـــتـــابـــك بــين أصحابك .. تـــلــقــى كـــتـــابــــك أغــلــى صــديـق

مـــــرة أخـــدنـــي كـــتــــابى ورحـنــــا .. في رحـــلـــــة نـــلــــــــف الـــــكــــون
شـــــفـــــت الــــشـــمـــس تـدور حوالين .. الأرض يــتــــــــــــــم الــيـــــــــــــــوم
وأمــــــا الأرض تـــــدور حــــوالـــــيـــن .. الشــــــمـــــــــس يـــــتــــــم الـــحـول
شـــــفــــنـــــا الـــكــــون كــلـــة بيسبح .. الــــــــــحــــــــــي الـــقــيـــــــــــــوم

يـــــــا لـلــــى الـــعـــلـم سلاحك أوعـــى .. تـــــخـــــاف مــــــن أى شـــيــــطــــان
دا الـلــــى الـــعلـــم ســلاحــه حـيقـــدر .. يـتـحــــــــــــــــدى الأهـــــــــــــــوال
الــعـلــــــم دا حــصــنــــك وســلاحــــك .. اعـــمــــل بـــيــــــــــــه الـــخــيــــــر
تــلـقـــــى الـــخــيــــر دايمـا قدامــــــك .. بالـــعــــلــــــم أنـــــــت كـــبـــيـــــــر

إقـــرا يا صاحـــبى كتـــاب البيئــــــــــة .. شـــــوف بيقوللــــــــنا أيـــــــــــــــــه
إزرع تحصـــــــــد ثمــــرة هنيئـــــــــــة .. و الخـــــــــير راح تجنيـــــــــــــــــــه
صــــــــدرك محتاج نسمــــــــة بريئـــــة .. شــــــــــوف زرعك و راعيـــــــــــــــــه
دا اللى يشـــــــــوف الشــــجرة صديقـــة .. يروى بدمــــــــــع عنيــــــــــــــــــــــه

ــــــــــــــــــ
أغنية مصنوع في بلدي
مصنوع فى بلدى .. دا صنع ولدى
إحذر يا فندى شوف سعره كام
الشكل سيما .. و السعر قيمة
أمَّا الكوالتى يمكن تمام
يمكن و يمكن .. أصل التمكن
كان عصر جدِّى أيَّام زمان
ابنى النهاردة .. يصنع مخدَّة
ينقش بوردة وسط الحزام
رحت اشتريها .. فتشت فيها
لقيت ما فيها ريش الحمام
الغش واضح .. و الفعل فاضح
و ان جيت اصارح ألقى الملام
ليه أى حاجة .. صنع الخواجة
رقَّة و ألاجة آخر تمام
باحلم و حلمى .. أصنع بعلمى
وأبهر بفنِّى كل الأنام
و اكتبها عربى .. مصنوع فى بلدى
و تكون حقيقة مش فى المنام
قد التحدِّى .. دا صُنع يدِّى
أخلِّى بلدى فوق الزمان

ـــــــــــــــ

فوق يا عربي

فوق يا مصري .. فوق يا عربى
قوللى سلاحك ليه بيصدِّى

ياللى عملت من الأصنام
صهيونى أو خِلْفِة سام
مثـَلَك .. و نسيت الرحمن
مسخوك . خلُّوك تمثال عصرى

اقرا تاريخك تعرف منُّه
إن المصرى جريئ إكمنُّه
يعرف ربُّه و مؤمن إنُّه
محا هكسوس م الدنيا .. و تترِى

ليه بتخلِّى فران الأرض
تسخر منـَّك .. قول .. ما ترُد
و انتَ اللى محمَّد قال عنـَّك
إنتم خير أجناد الأرض
و اتأخـَّرت ف عالم يجرى

كفاياك نوم .. قوم و انفض خوفك
خلَّى ولادك يوم ما تشوفك
فى تاريخ متسطـَّر بحروفك
تتباهى و تقول أنا مصرى

الأقصى بينادى .. يا ديك
قوم وادَّن للفجر .. يجيك
لا تخاف من نـّعـْرة أعاديك
يوم تصحى .. هيْفِر .. و يجرى

فوق يا عربى
فوق يا مصرى
فــــوق


ـــــــــــ
التعلب فات
كلمات و لحن : مصطفى طراد


التعلب فات فات و ف ديله سبع لفات
اللفة الأولى يا حضرات
جدُّو ساب لعلومه آيات
طب و كيميا . فلك جغرافيا
عرَّفنا معنى الحضارات
التعلب فات فات و ف ديله سبع لفات

اللفة الثانية متاهات
عَزْلِنا عن كل اللى فات
كل علومنا سرقها الغرب
و بعت لى النت مع الشات
التعلب فات فات و ف ديله سبع لفات

اللفة الثالثة مطبات
دِش و فوضى و كلبَّات
قلدنا الغرب ف سخافاتهم
ف الخيبة عملنا مسابقات
التعلب فات فات و ف ديله سبع لفات

اللفة الرابعة عثرات
علشان ما تقومش الهامات
بانجو و توهة , أفلام مشبوهة
و نبات يتغذى هرمونات
التعلب فات فات و ف ديلة سبع لفات

اللفة الخامسة عن الذات
كل الناس صبيان و بنات
ازاى تستثمر أوقاتك
ما تضيعهاش فى التفاهات
التعلب فات فات و ف ديله سبع لفات


اللفة السادسة حكايات
ف البيئة و زرع النباتات
حط البذرة هاتكبر شجرة
ضلة و ثمرة خشب اثاثات
التعلب فات فات و ف ديله سبع لفات

اللفة السابعة رنات
للغدّْ المشرق أمارات
عقلك نعمة من الخلاَّق
شغَّله هانشوف اختراعات

التعلب فات فات .. راح مارجعش لإنُّه مات
التعلب فات فات .. و كشفنا سر الحركات
التعلب فات فات .. و فهمنا معنى الرَّنات







_________________

احتفال أطفال الرعاية المتكاملة 2007 1454583ng4euc3mnl


لكم الورد يقبلكم بعطره


محبكم / مصطفى



الرجوع الى أعلى الصفحة اذهب الى الأسفل
 
احتفال أطفال الرعاية المتكاملة 2007
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mawaheb مواهب أدبية mawaheb :: الفئة الأولى :: ألحاني-
انتقل الى: