mawaheb مواهب أدبية mawaheb
مرحبا بك / ضيفا / عضوا / فى منتديات مواهب أدبية

mawaheb مواهب أدبية mawaheb

موقع مصطفى طراد الأدبى يرحِّبُ بكم
 
الرئيسيةالرئيسية  البوابةالبوابة  التسجيلالتسجيل  دخول  تصفـَّحتصفـَّح  

شاطر
 

 اوبريت مصر الأمل

اذهب الى الأسفل 
كاتب الموضوعرسالة
مصطفى طراد
المراقب العام
المراقب العام
مصطفى طراد

ذكر عدد الرسائل : 2414
العمر : 64
عربى : 0
تاريخ التسجيل : 03/08/2007

اوبريت مصر الأمل Empty
مُساهمةموضوع: اوبريت مصر الأمل   اوبريت مصر الأمل Emptyالثلاثاء سبتمبر 18, 2018 10:17 pm


قدمته فرقة جمعية الرعاية المتكاملة بطور سيناء
في حفل ختام الموسم الصيفي 11 سبتمبر 2018
كلمات الأوبريت :
دى مصرنا
و احنا الأمل بنحبها
من عام لعام
واحنا بِنِدْفَى ف حُضْنَها
و اليوم دا عيدنا
شمعة قايدة لسعدها
يابختنا بحُبَّها .. يا بختها
***
متشوَّقين يا مصر نجرى بالسنين
و الزرعة خضرا
تكبر مرويَّة حنين
نبقى المَكَنْ
و انتِ السَّكن للطيِّبين
نبقى السَّواعد
تبنى
يعلا شأنها
يا بختنا بحُبَّها .. يا بختها
***
با حلم يا مصر
اكون لك الدِّرع الحصين
أحمى ترابك
من عيون المعتدين
أسهر ما انام
أكون عنيكى السَّهرانين
دا انتى الحبيبة
الروح بترخص لاجلها
يا بختنا بحُبَّها .. يا بختها
***
أنا نفسى أبقى
باشمهندس كمبيوتر
علشان أعلِّى
أهرامات الجدّْ زوسر
أوصِل ما بينى
و بين جدودى ف العلوم
علشان بلدنا
تعلا فوق كل الدِّوَل
دى مصرنا
واحنا الأمل .. بنحبَّها
***
أنا نفسى لمَّا أكبر
ألاقى ســكِّتى
طيَّار.. شجاع
لايق فى بدلتى
أحمى سماها م الأعادى بهمِّتى
دا انا نِسْرمصرى
حامى قمرها و شمسها
يا بختنا بحُبَّها .. يا بختها
***
يا بُكْره إتأخَّرت ليه ؟
جاوب علىَّ
باستنظرك نفسى أكون
فى البحريَّة
بحَّار .. قبطان
بشجاعتى هتكونى قويَّة
أحمى شطوطك
م الأعادى و غدرها
يا بختنا بحُبَّها .. يا بختها
***
أمَّا أنا
شايفة المستقبل ف الصُّورة
وانا واقفة لابسة البالطو الأبيض
أمُّــــورة
سـمَّاعتى تسمع
صوت أنين المحتاجين
أولاد بلدنا الطيِّبين
وانا دكتورة
و باحب مصر
يا بختنا بحُبَّها .. يا بختها
***
أنا مش هستنَّى بُكْرة
أنا رايح أقبض عليه
مانا أصلى شاب مصرى
و مصر نور عنيه
سهرى على أمنِك يا مصر
واجب علىَّ
شرف انِّى مصرى
أحب مصر و أهلها
يا بختنا بحُبَّها .. يا بختها
***
أنا نفسى بكرة
أشوفنى راجل مليونير
مشغول و مخلص و العمل
عندى كتير
مشاريع مصانع
مزارع
وافرح بعمل الخير
مافيش ايدين بطَّالة محتاجة للغير
دى مصرنا
واحنا الأمل بنحبها
***
أنا باتمنَّى
و الأمنيَّة مش تقليعة
فى التليفزيون و الراديو
أكون أحلى مذيعة
إعلاميَّة جريئة
أصَّور الحقيقة
و الدنيا تشوف و تسمع
بلدنا بحسنها
يا بختنا بحُبَّها .. يا بختها
***
أنا ممكن من دلوقتى
أتفرَّج ع المستقبل
حتقوللى ازاى يا بنتى
استغرب و انت بتسأل
أنا أصلى باحب الريشة
و الورقة و الألوان
أرسمنى و انا باتمشَّى
على كوكب تانى كمان
و امسك لجام سحابة و اخضَّر أرضها
يا بختنا بحُبَّها .. يا بختها
***
أنا من دلوقتى
باجهِّز نفسى أكون أستاذة
و ف كل الوقت
أذاكر و اقرا ماخدشى أجازة
مّن جّدَّ وَجَدْ .. و الوقت دهب
ما تقولش لماذا
علشان بالعِلْم اتباهى و اقول
أنا بنتها .. و بَحِبَّها
يا بختنا بحُبَّها .. يا بختها
***
مستعجل .. وسَّع
نفسى أكسَّر أى روتين
أنا حابقى موظَّف
بس موظَّف وطنى .. أمين
و مصالح كل النَّاس
تتقضَّى ف نفس اليوم
و بحبِّى أخلِّى بلدنا
تسبق عصرها
يا بختنا بحبها .. يا بختها


_________________

اوبريت مصر الأمل 1454583ng4euc3mnl


لكم الورد يقبلكم بعطره


محبكم / مصطفى



الرجوع الى أعلى الصفحة اذهب الى الأسفل
 
اوبريت مصر الأمل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mawaheb مواهب أدبية mawaheb :: الفئة الأولى :: ألحاني-
انتقل الى: